Neijoar 2009

Dit joar gain Thomasvaer, gain Pieternel
Kredietcrisis, nou ja din wait je ‘t wel
‘t was een joar van sums ains hail, nait altied zegen
Moar, wie kriegen een neie kans: want de 8 dat wordt een 9

Beste mensen, het dut ‘t bestuur van dizze verain
Hail arg goud, zo veul Corenos-volk te zain
En terwiel ik hier wat stai te bloadern
Denk ik: waren d’r mor ‘n keer zoveul op ledenvergoadern

Want wees eerlijk mensen, ie monnen joe wel ‘n beetje schoamen
Ie mozzen d’r bie wezen. wat ze d’r doar abmoal oet waiten te kroamen!
Anderhalve peerdekop, ‘k wol dat ik d’r over loog
Moar joa, dei anderhalve peerdekop, gooit wel joen contributie ‘n end omhoog

Moar gain gezoes, nou moar es kieken wat ‘t ofgelopen joar ons brocht
‘n soort overzichtje haar ‘k zo docht
Zodat elk en ain nog even weer heurd
Wat d’r zoal bie dei Korenossen is gebeurd

Ien ‘t begun van ‘t joar op dizze plek
Man och man, zai vonden ‘t te gek
Werden deur jullie zulf, joa joe, ‘t publiek!
Tot erelid beneumd: Derk Bakker en Willem Jan Diek

En mit alle verdainsten dei ze veur Corenos hebben had
Kwamen ze noatuurlijk ook weer mit heur kop ien Bokkeblad
Moar ja, dat hebben ze din, har ik zo maaind,
Ook wel dubbel en dwars verdaint

Mor over WJ was dat nog alles nait
D’r mot nog meer over hom ien dit Corenos – laid
Hai kreeg van Slob zien zoveulste speld
Want noa zo lang consul wezen bin je veur de KNVB een held

Trainer was dou Gerke Kersaan
Heloas was dei d’r op ‘n duur hailemoal mit aan
Hai ging vevrougd op zaikteverlof
Moar Frits dei nam het over. En dat was tof
Tja, mit ‘ teerste ging ‘t naait al te best
Ze aindigden nog net nait als lest
Spanning kwam doarnoa hoast aan de kook
Deur dei verrekte degradoatie spook

Ze mozzen knokken tegen ‘n ploug oet Drent
Nou, ja… ie waiten allemoal ‘ t end
Dat spook dat kwam ons nait te pas
En stuurde ons noar vaairde klas

Moar toun kwam Auke Doornbosch oet Niekerksteradeel
Dei kreeg boulen weer ien ‘t gareel
Fanatiek en schopt gainain tegen schenen
En nooit waren bie Corenos zoveul man op trainen!

Ook doames waren weer fanatiek
Wat is dat toch een pracht van n kliek
Mooie bainen, sums blond hoar
En ze bestonden 25 joar!

Man, man, man was dat mooi
Veural veur Liesbeth en Marga Kooi
Dat binnen onze striedsters van ‘t eerste uur
En goan veur Corenos nog altied deur ‘t vuur

Ook Kees en Jacob kwamen ien de zun
Zai runnen de koartclub vanoaf ‘t begun
Zai binnen het organiserend poar
En ook zai dudden dat al 25 joar

Zai binnen een veurbeeld mit zien baiden
Van de veule mensen woar ‘ n club nait zunder kin draaien
Zo werden joarenlang de lienen trokken deur onze Jan
Hail veul dank Jan Bruggeman!

Aan ‘t begun van ‘t voetbaljoar
Ston ‘t bestuur mit ltten kloar
Moar löttenkopers keken wel wat zuur
Want maiste priezen gingen noar ‘t bestuur

En de jeugd runde zug scheel
Want elk zien deel veur ‘n paneel
Hopelijk is de opbrengst het begun
Dat wie straks warm blieven deur de zun\

Halftied stonnen d’r mensen op ‘ t terras
Ter roken ien een dikke winterjas
Vanoaf 1 juli is dat hun lot
Want vanoaf dei tied geldt het rookverbod

De lucht ien kantine dei is nou kloar
Moar veur ‘ n hailbult valt het toch wel zwoar
Zai bedenken din ‘n slimme list
En zit hierachter ien een dikke mist

Din onze doames ien de zoal
Dei mouten zulfs noar Urk tou hallemoal
Ien de hoofdklas, da’s nait mis
En ze kopen doar vast wel ‘n lekkere vis

Tja, het wordt zo wat, zai ‘k joe zo denken
‘ t wordt tied om weer ain ien te schenken
Oh, verhip, ik schrik even wakker
Ik mout ‘t nog even hebben over Familie Bakker

Noa meer dan dik dartig joar
Waren zai mit ‘ t kastelain wezen kloar
Veur elk was dat een haile stap
Al zai ik Dirk hier nog verdacht voak achter tap

Moar d’r stait nou neie ploug
Ien onze mooie Corenos kroug
Van Janneke tot Sanneke, van Wildrik to Machė
Ien hun mooie kantine-shirt, alles komt op stee

Ik zeg nog ‘n woord van dank aan elk en aain
Dei ‘t goud veur hebben mit dizze verain
En ‘ keer verlaizen is gain strop
Want Corenos blieft altied aan de top

Beste mensen, mien pen is dreug
Wie nemen straks een flinke teug
Ik wens joe gezondhaid en hail veul zegen
En hail veul geluk ien twei doezend negen!

Proost!